Kur të del fati në aeroport/ Duke pritur avionin, turistja fiton 300 mijë dollarë


Turistët rregullisht lënë para të vogla në makinetat e lojërave të fatit të vendosura në aeroportin e Las Vegasit, teksa presin të ngjiten në avion.

Por një grua nga Teksasi nuk e priste as vetë që do të fitonte 300 mijë dollarë duke bërë një gjë të tillë. Ka 1.400 makineri të tilla në këtë airport, nga të cilat vetëm 450 janë funksionale aktualisht për shkak të kufizimeve të ko ronav irusit. Drejtuesit e aeroportit e përgëzuan turisten për fitoren e saj ndërsa ne mediat sociale, shkruan shtypi vendas, shpërtheu xhelozia.

“Lashë 200 dollarë në ato makineta këtë mëngjes. I lumtur që kam dhënë kontributin tim”, shkruante me ironi një ndjekës. Xhekpoti prej 302.000 dollarësh nuk është një rekord për këtë aeroport.

Rekordin në fakt e mban shuma 3.96 milionë, u shpreh zëdhënësja e aeroportit Christine Crews, ndërsa në muajin korrik një vizitor nga Kalifornia fitoi 873,000 dollarë.
Top Channel

Leave a Reply