Ora po bie për një familje shqiptare e cila po përballet me dëbimin nga SHBA-ja. Arjeta Kackini, burri i saj dhe dy vajzat e tyre, të cilat kanë lindur në Shtetet e Bashkuara, kanë jetuar në Larchmont për gati 7 vjet.
“Ne nuk po kërkojmë të bëhemi qytetarë të SHBA-së dhe të na dorëzojnë pasaportat e SHBA-së,” tha Kackini. “Ne thjesht po pyesim: Na lejoni të qëndrojmë këtu legalisht ashtu si kemi bërë në vitet e kaluara.” Arjeta erdhi në SHBA në 2014 me një vizë studentore për të përf unduar masterin e saj. Burri i saj filloi një biznes të rimodelimit që i lejoi ata të qëndonin përmes një vize investitori të rinovuar çdo dy vjet, shkruajnë mediat e huaja. Çështja u ngrit kur çifti u kthye nga një vizitë në Shqipërinë e tyre të lindjes. Pasaportat e tyre ishin caktuar të skadonin në gjashtë muaj në prill 2020, ata rinovuan pasaportat, por nuk e kuptuan që data e përfundimit të vizës ishte ndryshuar gjithashtu.
Çifti ka aplikuar për një zgjatje, por Shërbimi i Qytetarëve dhe Imigracionit të SHBA përcaktoi gabimin, gabimet e paqëllimshme dhe mbikëqyrjen nuk konsiderohen “rrethana të jashtëzakonshme”. Si e tillë, kërkesa për zgjatje nuk mund të miratohet. “Fjalë për fjalë nuk kam më lot sepse kam qarë aq shumë,” tha Kackini. “Unë kam provuar gjithçka legalisht.” Familja po u bën thirrje ligjvënësve lokalë dhe komunitetit, por përballet me një urdhër për të lënë vendin deri në 21 Prill.