Eneda Tarifa “ia nxorri mallin” Portokallisë për t’u bërë pjesë e politikës në Shqipëri! Ja cilës parti do t’i bashkohet


Disa ditë më parë Eneda Tarifa konfirmoi publikisht se nuk do të jetë më pjesë e spektaklit “Portokalli”. Edhe pse ajo u rikthye për të moderuar për vetëm pak kohë, Eneda u shpreh në reagimin e saj se i nxori mallin spektaklit të humorit.

Së fundmi mësohet se Eneda do i bashkohet skuadrës së PS-së në zgjedhjet e 25 prillit.

Kryebashkiaku i Tiranës, Erion Veliaj, dhe Eneda Tarifa, zhvilluan një bashkëbisedim me një grup të rinjsh të Njësisë 1 në Tiranë, ku zbuloi për herë të parë se do jetë në krah të PS-së.

“Kur kam votuar për herë, kam pasur një emocion të jashtëzakonshëm. Më dukej sikur dola në jetë dhe do t’i zgjidhja problemet vetë. Të votosh është sigurisht një nga gjërat kryesore, por të mendosh se për kë do të votosh është edhe më e rëndësishme.

Me zhvillimet që kanë ndodhur gjatë këtyre viteve, duke marrë parasysh që jam edhe këngëtare, artiste, por edhe nënë sigurisht, mendohem edhe për të ardhmen e vajzës sime dhe të fëmijëve të shoqeve të mia, mendoj se ky është drejtimi i duhur. Është zgjedhja e duhur që ne të vazhdojmë punët përpara dhe të jemi të sigurtë që kudo që të shkojmë, të themi: Jam nga Tirana, nga Shqipëria.

“Përpara kemi vazhdimin e një pune mjaft të bukur që ka nisur me vënien në krye të Bashkisë të Erion Veliajt. Kam shumë kolegë që kanë ardhur dhe kanë parë ndryshimet në Tiranë. Ka shumë artistë të cilët duan të vijnë ta vizitojnë, sepse kanë dëgjuar shumë për punën që bën kryetari i bashkisë,” tha Eneda ndër të tjera

Leave a Reply